دراوۍ

هوا

 

له تيارې

 د باندې ګورم

پاڼې لمرته ځانونه تودوي

هوا لنده شوې

مرغۍ شخوند وهي

سیوري لمبېږي

خاموشي

لکه شپه

د سکوت په اوږو ووته

ته مې وياديدې

 

 

ول

ستا نازک پړونی

د ویښتو له ولونو

باد واخیست

ویې رپاوه

د پېروتو لمدو پاڼو ته يې یووړ

ر 55

زاويه

ستاسو کور ته مخامخ
زموږ وړه ماته هېنداره
ما په زړه جوړه زاويه
... ته باران ته نڅېدې
پټې سترګې خلاصه غیژ
د وېښتو ولونه لانده
باران پوست مزل کاوه
تا سندره هم بلله
تورو ګرځنده اوبو ته
ما هغه له یاده کړې
بل باران ته مې ساتلې
**********
عبادت

که د ځمکې پر مخ
د نورو موجوداتو
عبادت جایزوای
ما د توتکيو عبادت کاوه
ځکه هغوی
تاته ورته دي
*********
غېژه
ومې ياديدې
لکه ماشومتوب
لکه د مور غېژه
********
پړونی

يو ملنګ
یو شهيد وړي
په يوه غره يې خیژوي
يوې جنۍ يې
نن سهار زنه تړلې
چا ويل
په تابوت کې پروت پړونی
ډېر اشنا دی